اوسے فوجی اڈے نوں نشانہ بنایا جتھوں ایرانی جنرل نوں ہدف بنایا گیا سی: ایرانی وزیر خارج

تہران: ایرانی وزیر خارجہ جواد ظریف آکھیا اے جنگ نہیں چاہندے پر کسے جارحیت دے خلاف اپنا دفاع کراں گے، اوہناں اڈیاں نوں نشانہ بنایا جتھوں ساڈے شہریاں، سینئر عہدیداراں تے حملہ کیتا گیا، ایران نے اپنے دفاع وچ متناسب اقدامات کیتے۔

خیال رہوے جنرل قاسم سلیمانی دے قتل دے بعد ایران ولوں بغداد وچ عین الاسد تے اربیل امریکی ہوائی اڈیاں تے راکٹ حملے کیتے گئے۔سپریم لیڈر آیت اللہ خامنہ ای نے آپریشنز ہیڈ کوارٹر آ کے کاروائی دی سربراہی کیتی۔

ایرانی سرکاری میڈیا دا دعویٰ اے عراق وچ امریکی ایئر بیس تے 30میزائل داغے گئے، امریکا توں بدلہ لیندیاں ای پاسداران انقلاب دے جنرل قاسم سلیمانی دی تدفین کرمان وچ کر دتی گئی۔ اودھر عراق دی پاپولر موبائلائزیشن فرنٹ نے وی امریکی فوج دے خلاف آپریشن دا اعلان کر دتا۔