ملک دے کئی شہراں وچ دو ہفتے لئی لاک ڈائون دا امکان

راولپنڈی( پنجابی میڈیا گروپ) حکومت ولوں کورونا لئی ملک دے کئی شہراں وچ دو ہفتے دا لاک ڈان لائے جان دا امکان اے۔
ذرائع دے مطابق این سی او سی دے اجلاس وچ کورونا وائرس دا پھیلائوگھٹکرن لئی لاک ڈاون دا نفاذ2یا3مئی توںہون دا امکان اے۔
این سی او سی نے متعلقہ وزارتاں نوں پلاننگ کرن دی ہدایت جاری کردتی۔ کئی اضلاع تے شہراں وچ اسلام آباد، راولپنڈی، لہور، ملتان، فیصل آباد، گوجرانوالہ شامل نیں جتھے دو ہفتے دا لاک ڈاون لایا جائے گا۔
مراسلے میں آکھیا گیا اے کہ بہاولپور، حیدرآباد، لوئر دیر، مردان، نوشہرہ، مالا کنڈ، چارسدہ لاک ڈاون دے حوالے نال بوہت حساس شہراں دی لسٹ وچ شامل نیں جد کہ سوات، صوابی، مظفرآباد، سدھنوتی، پونچھ تے باغ وچ وی لاک ڈاون لان اُتے مشاورت کیتی گئی اے۔ اوہناں شہراں وچ کورونا پھیلن توں روکن دے مناسب اقدامات نوں یقینی بنان دی وی ہدایت کیتی گئی اے۔

اپنا تبصرہ گھلو