بھارت:انسانی جذبہ لئی مسلمان میدان وچ آ گئے

نویں دہلی( پنجابی میڈیا گروپ) بھارت وچ کورونا دی وگڑدی ہوئی صورتحال پاروں مسلماناں نے مسجداں نوںاسپتالاں وچ بدلدتا اے۔
مسلماناں دے خلاف ہندو انتہا پسندی تے بربریت دے باجود بھارتی مسلمان وی بھارت وچ کورونا دی وگڑدی ہوئی صورتحال پاروں انسانیت دا جذبہ لئی اگے آ گئے ۔
مغربی ریاست گجرات وچ اک مسجد نوں50بستراں دے اسپتال وچ بدل دتاگیا اے۔ مسجداں وچ مسلماناں ولوں تشویشناک مریضاں نوں آکسیجن فراہم کیتی جا رہی اے تے اوہناںلئی بستراں دا انتظام کیتا جارہیا اے۔
مسجد دی انتظامیہ دا کہنا اے کہ کورونا وائرس دی صورتحال بہترنہیں تے لوکاں نوں علاج لئی اسپتال وچ بستر نہیں مل رہے تے اسیں متاثرین لئی مسجد نوںہی اسپتال وچ بدلن دا فیصلہ کیتا۔ ایس صورتحال دے پیش نظرکئی دناں وچ ہی مسجد اں وچ سارے بیڈبھرگئے نیں۔

اپنا تبصرہ گھلو