یوکرائن دا مسافر طیارہ ایران وچ ڈگ کے تباہ، 176جی ہلاک

تہران: یوکرین دا بوئنگ 737طیارہ تہران دے نیڑے ڈگ کے تباہ ہو گیا، ایران ریڈ کریسنٹ دے مطابق سارے 176مسافر ہلاک ہو گئے، حادثے وچ مرن والیاں وچ 82ایرانی تے 63کینڈین شہری سن۔

ایرانی میڈیا دے مطابق طیارے نے تہران دے امام خمینی ایئر پورٹ توں یوکرین دے دارالحکومت کیف لئی ٹیک آف کیتا سی، ریڈار ڈیٹا دے مطابق ٹیک آف دے صرف دو منٹ بعد ای طیارے دے انجن وچ اگ بھڑک پئی تے ہنگامی لینڈنگ دی کوشش وچ طیارہ زمین تے ڈگ کے تباہ ہو گیا۔ایرانی میڈیا دے مطابق طیارے وچ 167مسافر تے عملے دے 9ارکان سوار سن۔ ریڈ کریسنٹ دے مطابق حادثے وچ سارے بندے ہلاک ہو گئے نیں۔ ایرانی میڈیا دے مطابق حادثہ فنی خرابی پاروں پیش آیا، ہور تحقیقات جاری نیں۔

50% LikesVS
50% Dislikes

اپنا تبصرہ گھلو