جلالپور بھٹیاں: دم گھٹن نال 2مزدور جاں بحق، لاشاں ہسپتال منتقل

جلالپور بھٹیاں: رائس مل دے کیبن وچ بھوسے نال بھری انگیٹھی بالن نال کیبن دھوئیں نال بھر گیا، دم گھٹن نال دو مزدور جاں بحق ہو گئے جہناں دیاں لاشاں ہسپتال منتقل کر دتیاں گئیاں۔

جلالپور بھٹیاں وچ قائم مازکو رائس مل وچ پیش آن والے واقعے وچ عاطف علی تے نعمان علی نے سردی دی شدت گھٹ کرن لئی انگیٹھی وچ موجود بھوسے نوں اگ بالی تے کیبن وچ سو گئے۔ بھوسے نوں اگ لگن پاروں کیبن دھوئیں نال بھر گیا تے دم گھٹن نال دوواں مزدور دم توڑ گئے، جاں بحق ہون والا عاطف علی عالم پورہ جد کہ نعمان علی جلالپور کہنہ دا رہائشی سی۔

مزدوراں دیاں لاشاں ہسپتال منتقل کر دتیاں گئیاں نیں جتھوں لاشاں اہل خانہ نے وصول کر لئیاں، وارثاں دا کہنا اے ہن کیبن دے اندر توں سڑیا بھوسہ تے انگیٹھی غائب کر دتی گئی اے۔