سعید غنی نے وفاقی حکومت نوں ٹک ٹاک حکومت قرار دے دتا

کراچی: سعید غنی نے وفاقی حکومت نوں ٹک ٹاک حکومت قرار دے دتا۔ اوہناں آکھیا پی ٹی آئی والے بہتر دسن گے کہ حریم تے ترمیم وچ کیہ فرق اے۔

صوبائی وزیر اطلاعات سعید غنی نے پی ٹی آئی نوں آڑے ہتھاں لیا تے آکھیا نااہل وزیراں دا کم ای ایہ ہوندا اے کہ ویڈیو بناؤ تے وائرل کرو، 18ویں ترمیم دے بعد صوبائی کابینہ اراکین دی تعداد 11فیصد توں ودھ نہیں رکھ سکدے۔

سعید غنی دا ہور کہنا سی بے نظیر انکم سپورٹ پروگرام دے تحت 8لکھ مستحقین نوں متاثر کرن دی منصوبہ بندی کیتی گئی اے، جہنوں کامیاب نہیں ہون دیواں گے۔