خطہ کسے کشیدگی دا متحمل نہیں، پاکستان دی معاملے تے گہری نظر: شاہ محمود

اسلام آباد: شاہ محمود قریشی آکھیا اے خطہ کسے کشیدگی دا متحمل نہیں ہو سکدا، پاکستان دی معاملے تے گہری نظر اے، طاقت دے استعمال توں گریز کرنا چاہیدا اے، خطے وچ استحکام چاہنے آں۔

وزیر خارجہ شاہ محمود قریشی نے اپنے بیان وچ آکھیا اے ایرانی وزیر خارجہ نے بیان وچ آکھیا اے اوہ جنگ دا ارادہ نہیں رکھدے، امریکا وچ وی اک بہت وڈا طبقہ اے جہڑا نویں جنگ نہیں چاہندا، پاکستان امن دا خواہش مند اے، گل بات نال معاملات حل ہونے چاہیدے نیں، کوشش اے خطے وچ کشیدگی نہ ہووے، معاملات دی بہتری لئی سلامتی کونسل نوں کردار ادا کرنا چاہیدا اے۔

شاہ محمود قریشی دا کہنا سی پاکستان سمجھدا اے خطے نے بہت وڈی قیمت ادا کیتی اے تے کر رہیا اے۔ اوہناں آکھیا وکھو وکھ وزراء خارجہ نال تبادلہ خیال ہویا اے، کل قطر دے وزیر خارجہ نال وی گل ہوئی جو تہران تشریف لے گئے سن، قطر دے وزیر خارجہ دی صورتحال تے نظر اے تے ہور وی رابطیاں دا دارہ اے، معاملات کشیدگی اختیار کر رہے نیں اجہے حالات وچ بردباری دی لوڑ اے۔