ایف بی آر نوں 15دن وچ غیر قنونی ٹیکس ری فنڈز دی تحقیقات پوری کرن دا حکم
اسلام آباد: سپریم کورٹ نے ایف بی آر نوں 15دن وچ غیر قنونی ٹیکس ری فنڈز دی تحقیقات پوری کرن دا حکم دے دتا۔
چیف جسٹس نے ایف بی آڑ دی قائم مقام چیئرپرسن دی سرزنش کردیاں آکھیا بی بی اسیں ایتھے کہانیاں سنن نہیں بیٹھے، ارباں روپے لٹ گئے، تہانوں پروا نہیں تے عہدہ چھڈ دیو۔ غیر قنونی ٹیکس ری فنڈ کیس دی سماعت دے دوران قائم مقام چیئرپرسن ایف بی آڑ نوشین جاوید نے دسیا وزیراعظم دفتر توں منظوری دے بعد انکوائری شروع ہو چکی۔
چیف جسٹس آکھیا تن مہینے دی عدالتی مہلت وچ تحقیقات پوری کیوں نہیں ہوئیاں؟ رقم تہاڈی جیب توں گئی ہوندی تے تسیں اک منٹ وی گھر نہ بیٹھدی، قوم دے پیسے نال کسے نوں ہمدردی نہیں، ایف بی آر دوجے کماں وچ مصروف اے عدالتی احکامات تے توجہ نہیں۔ چیف جسٹس دا کہنا سی چیئرمین ایف بی آر وی چھٹی تے چلے گئے، ہن انج نہیں ہووے گا، قائم مقام چیئرپرسن نے دسیا شبر زیدی بیماری دجہ توں ہسپتال وچ داخل نیں۔ چیف جسٹس آکھیا شبر زیدی کیوں تے کنے بیمار نیں، سب پتہ اے۔ عدالت نے ایف بی آر نوں 15دن دا ویلا دیندیاں ہوئیاں سماعت کردتی۔
