پاکستان قیام امن لئی اپنا کردار ادا کردا رہوے گا: وزیراعظم عمران خان
اسلام آباد: وزیراعظم عمران خان نے ایس عزم دا اظہار کیتا اے پاکستان خطے وچ قیام امن لئی اپنا کردار ادا کردا رہوے گا۔
تفصیلات دے مطابق وزیراعظم نال عمان دے وزیر مذہبی امور عبداللہ بن محمد نے ملاقات کیتی جہدے وچ مشرق وسطیٰ دی کشیدہ صورتحال تے تبادلہ خیال جد کہ دوواں ملکاں دے وچکار وکھو وکھ شعبیاں وچ تعاون تے وی اتفاق کیتا گیا۔
ایس موقع تے معزز پروہنیاں نال گل کردیاں وزیراعظم عمران خان نے اوہناں نوں دسیا بھارت مقبوضہ کشمیر وچ انسانی حقوق دی سنگین خلاف ورزیاں کر رہیا اے۔
اوہناں نے زور دتا عالمی برادری فوری طور تے مقبوضہ کشمیر دی صورتحال دا نوٹس لوے۔ وزیراعظم نے عمران دے سلطان قابوس بن سعید ال سعید لئی نیک تمناواں دا اظہار وی کیتا۔
ایس موقع تے وفاقی وزیر مذہبی امور نور الحق قادری وی ملاقات وچ موجود سن۔ وزیراعظم عمران خان دا کہنا سی پاکستان تے عمان دے وچکار روایتی طور تے قریبی برادرانہ تعلقات نیں۔ دوواں ملکاں وچکار دوطرفہ تعلقات وکھو وکھ شعبیاں وچ ہور فروغ پان گے۔
