کراچی: کورونا دے کیس ودھ گئے، پرچون دیاں دکاناں وی شام6وجے بند
کراچی( پنجابی میڈیا گروپ)کراچی وچ کورونا کیس ودھن اُتے پرچون دیاں دکاناں وی شام6وجے بن کر دتیاں گیاں جد کہ ہوٹلاں اُتے ٹیک آووے سروس دا ٹائم وچ مغرب تک کر دتا گیا۔
وزیر اعلی سندھ دی زیر صدارت کورونا ٹاسک فورس دا اجلاس ہوئیا۔ محکمہ صحت اج توں نجی ہسپتالاں نوں مفت کورونا ویکسین فراہم کرے گا جد کہ ہوٹلاں وچ قرنطیہ دی سہولت وی بحال کیتی جا رہی اے۔
اجلاس وچ وزیر صحت نے دسیا کہ کئی دناں توں کراچی وچ کورونا دے کیس5فیصد توں ودھ کے14اعشاریہ23 فیصد ہوگئے نیں لیکن حیدر آباد وچ کیساں دی شرح18فیصد توں گھٹ کے11اعشاریہ92فیصد ہوگئی اے۔
وزیر اعلی سندھ نے کراچی دے کئی ضلعیاں اندر ایس او پیز دی خلاف ورزی اُتے غصہ کیتا۔ مراد علی شاہ نے اوہناں ساریاں ہسپتال دے عملے تے آلات نوں فوری آڈٹ کرن دی ہدایت کیتی جیہڑی کورونا کیس نوں ڈیل کر رہے نیں۔ اوہناں نے ہدایت کیتیکہ جناں ہسپتالاں وچ سہولتاں گھٹ نیں، اوہناںنوں چھتی پورا کیتا جائے۔





















