نعت رسول مقبولؐ

رانا محمد اکرم شاد

ترے در دا جہاں سارا گدا اے یارسول اللہ
شعور آگہی تیری عطا اے یارسول اللہ
ایہ دو میماں اساں سب نوں اکٹھا رہنا دسیا اے
تہاڈے نام دی برکت شفاء اے یارسول اللہ
تساں مکّے مدینے توں ہے جہڑی روشنی ٹوری
حیاتی نوں پئی دیندی ضیاء اے یارسول اللہ
میں ہر دم یامحمد یامحمد ہی کری جاواں
وظیفہ ایہہ ای دن راتیں مرا اے یارسول اللہ
خدیجہ پاک دا صدقہ ہر اک بیٹی پئی پاوے
جناب فاطمہ ورگی حیاء اے یارسول اللہ
تیرے حسنین دا صدقہ میں اکرم شاد ہو جاواں
میرے ہونٹھاں تے بس ایہو دعا اے یارسول اللہ