شانِ رمضان
رانا محمد اکرم شاد
رب دا ہے شہکار جی ویکھو ماہِ رمضان آیا
رحمت نال بہار جی ویکھو ماہِ رمضان آیا
روزے رکھ کے آقا سانوں ایہو سجنو دسیا
دل نوں ملے قرار جی ویکھو ماہِ رمضان آیا
انج تے ہے جی ہر مہینہ عزت عظمت والا
سب دا ہے سردار جی ویکھو ماہِ رمضان آیا
ملے نجات جہندے وچ سارے اوگنہاراں تائیں
ایسا ہے غمخوار جی ویکھو ماہِ رمضان آیا
اک نیکی دے بدلے مولا ست سو نیکی دیوے
فیض اے بیشمار جی ویکھو ماہِ رمضان آیا
کرے شفاعت پاک مہینہ رب دے اگے اکرم
بیڑا لگے پار جی ویکھو ماہِ رمضان آیا
