حکومت نے تعلیمی اداریاں دیاں چھٹیاں ودھا دتیاں

اسلام آباد( پنجابی میڈیا گروپ) نیشنل کمانڈ اینڈ آپریشن سینٹر(این سی او سی)نے ملک وچ کورونا وائرس دے کیس ودھن اُتے تعلیمی اداریاں دیاں چھٹیاں ودھا دتیاں۔
وفاقی وزیر منصوبہ بندی اسد عمر دی زیر صدارت این سی او سی دا اجلاس ہوئیا جس میں ملک وچ کورونا دی موجودہ صورتحال اُتے غور کیتا گیا۔ این سی او سی نے صورتحال توں ویکھدیاں تعلیمی اداریاں دیاں چھٹیاں اک ہفتے لئی ودھا دتیاں
پہلے تعلیمی ادارے17مئی تک بند کیتے گئے سن لیکن ہن23مئی تک بند رہن گے۔ تعلیمی اداریاں نوں دوبارہ کھولن بارے اجلاس18مئی نوں ہوئے گا جس وچ صورتحال دا جائزہ لیتا جائے گا۔

اپنا تبصرہ گھلو