پاکستان تے سعودی عوام دے دل ہمیشہ توں سانجھے دھڑکدے نیں: گورنر پنجاب
لہور( پنجابی میڈیا گروپ)گورنر پنجاب چودھری سرور نے پاک سعودی تعلقات نوں چٹان ونگوں مضبوط آکھ دتا ۔اوہناں آکھیاکہ پاکستان تے سعودی عوام دے دل ہمیشہ توں سانجھے دھڑکدے نیں۔
گورنر ہائوس لہور وچ گورنر پبجاب چودھری سرور نے وفد نال ملاقات کیتی ۔ ایس موقع اُتے چودھری سرور دا کہنا سی کہ دوناں ملکاں دے تعلقات اُتے22کروڑ پاکستانیاں نوں فخر اے، وزیر اعظم عمران خان دا دورہ سعودی عرب ہر لحاظ نال کامیاب رہے گا۔
چودھری سرور نے آکھیا کہ سعودی عرب تے پاکستان ہمیشہ توں اک دُوجے نال موڈھے نال موڈھا جوڑ کے چلے نیں، خادم حرمین شریفین دا احترام ہر مسلمان اُتے لازم اے، پاکستان تے سعودی عرب نال تعلقات دو بھراہواں ورگے نیں، ایہی وجہ اے کہ سعودی عرب نے پاکستان دی ترقی لئی وی ہمیشہ اپنا کردار ادا کیتا اے۔
Load/Hide Comments





















