نیب دی مریم نواز دا ناں ایگزٹ کنٹرول لسٹ وچ پان دی سفارش

لہور: نیاب لہور نے مریم نواز دا ناں ای سی ایل وچ پان دی سفارش کر دتی، عملدرآمد لئی وفاقی حکومت نوں خط وی لکھ دتا۔

دسیا گیا اے چوہدری شوگر ملز کیس وچ مریم نواز دا ناں ایگزٹ کنٹرول لسٹ وچ پان لئی نیب نے وفاقی حکومت نوں درخواست کر دتی۔

نیب لہور ولوں وفاقی حکومت نوں لکھے گئے خط وچ سفارش کیتی گئی اے کہ مریم نواز ولوں بیرون ملک روانگی دے ممکنہ خدشے دے پیش نظر ایہناں دا ناں ای سی ایل وچ پا دتا جاوے۔

واضح رہوے کہ مذکورہ کیس وچ لہور دی احتساب عدالت نے مریم نواز نوں نیب ولوں ریفرنس دائر کرن تک حاضری توں چھوٹ دے رکھی اے۔