وِساکھی والے ڈھول
بھپندرپنیوالیا
کنکاں نوں پینی اے داتی
وِساکھی والے ڈھول وج گئے
مساں ہی کنک لیاتی
وِساکھی والے ڈھول وج گئے
لا لا کے پانی جٹاں کنکاں نے پالیاں
پک گئیاں کنکاں نے کامیاں سنبھالیاں
واڈھے تُر جان کھیت پربھاتی
وِساکھی والے ڈھول وج گئے
سونے جِہیاں بلیاں دا کھیتاں ٰچ شور ہے
سینیاں ٰچ جوش تے ڈولیاں ٰچ زور ہے
گل سچی اسیں پھرماتی
وِساکھی والے ڈھول وج گئے
کدوں آؤن دانے سارے ٹبر نوں چاء اے
رجے ہوئے جٹ کولوں ڈردا خُدا اے
جٹ بن جاندے نے کھُرا پاتی
وِساکھی والے ڈھول وج گئے
کڈھی کنک جدوں منڈی وِچ آ گئی
بانیئے دی بہی ساری محنت نوں کھا گئی
رڑک جٹ دی مِٹی ٰچ مِلاتی
وِساکھی والے ڈھول وج گئے
کنک نہ رہی کدے جٹاں دی بن کے
تاہیوں جٹ آکھدے نے واہ نی کنکے
کدی مار توں ساڈے ول جھاتی
وِساکھی والے ڈھول وج گئے
