کوئٹہ: کچلاک وچ گیس لیکج دھماکہ، اک بالڑی جاں بحق، 7بندے سڑ کے زخمی

کچلاک: کوئٹہ دے علاقے کچلاک وچ واقع گھر وچ گیس لیک ہون نال زور دار دھماکہ، اک بالڑی جاں بحق، 7بندے سڑ کے زخمی ہو گئے جہناں نوں ہسپتال منتقل کر دتا گیا۔ کچلاک دے علاقے کلی اسماعیل خان وچ گھر وچ گیس بھر جان نال دھماکہ ہویا جہدے نال اک بالڑی جاں بحق ہو گئی، دوجے 7زخمی ہون والے بندیاں نوں بی ایم سی برن وارڈ منتقل کر دتا گیا۔ دسیا گیا اے اہل خانہ گیس ہیٹر کھلا چھڈ کے سو گئے سن، صبح جدوں ہیٹر بالن لئی تیلی بالی تے کمرے وچ گیس بھرن نال زور دار دھماکہ ہویا جہدے وچ 7سالہ بالڑی خانسہ موقع تے جاں بحق جد کہ گھر دا سربراہ گران، بیوی، پتر اکرام خان، تن دھیاں شدید زخمی جد کہ پتر عثمان معمولی زخمی ہویا، زخمیاں نوں فوری طور تے بی ایم سی ہسپتال کوئٹہ ریف رکیتا گیا۔ پچھلے دیہاڑ وی کوئٹہ دے علاقے سبزل روڈ تے کمرے وچ گیس بھر جان نال میاں بیوی، تن بالاں سنے جاں بحق ہو ئے سن۔ واقعات گیس پریشر وچ کمی دی وجہ توں رونما ہورہے نیں۔