اسرائیل دے فلسطین تے مسلسل حملے انسانی حقوق دی کھلم کھلا خلاف ورزیاں نیں: عثمان بزدار

لہور( پنجابی میڈیا گروپ)وزیراعلیٰ پنجاب عثمان بزدار آکھیا اے اسرائیل دے فلسطین تے مسلسل حملے انسانی حقوق دی کھلم کھلا خلاف ورزیاں نیں، طاقت دے نشے وچ مدہوش اسرائیل دے ہتھ معصوم فلسطینی شہریاں دے خون نال رنگے ہوئے نیں۔ اپنے بیان وچ عثمان بزدار آکھیا ظالم دا ہتھ اج نہ روکیا گیا تے ایہ کل ہور دے گریبان تک اپڑے گا۔ بین الاقوامی برادری دی فلسطین وچ اگ تے خون دے کھیڈ تے خاموشی سوالیہ نشان اے، نہتے فلسطینی شہری آزادی نال جین دا حق رکھدے نیں۔ اوہناں آکھیا عالمی برادری دی خاموشی اک المیہ نوں جنم دے رہی اے، پاکستان دی حکومت تے عوام مظلوم فلسطینیاں نال مکمل ہمدردی رکھدے نیں تے یکجہتی دا اظہار کردے نیں، عالمی برادری معصوم فلسطینیاں تے مظالم بند کران لئی فوری کردار ادا کرے۔

اپنا تبصرہ گھلو