احتساب عدالت دا پرویز الٰہی دے خلاف غیر قنونی بھرتی کیس دی انکوائری بند کرن دا حکم

لہور( پنجابی میڈیا گروپ)احتساب عدالت نے سپیکر پنجاب اسمبلی پرویز الٰہی دے خلاف غیر قنونی بھرتی کیس دی انکوائری بند کرن دا حکم دے دتا۔ احتساب عدالت دے ایڈمن جج شیخ سجاد احمد نے نیب دی عرضی تے فیصلہ سنایا، نیب تفتیشی افسر ولوں عدالت وچ مکمل رپورٹ جمع کروائی گئی جہدے وچ دسیا گیا کہ چودھری پرویز الٰہی سمیت دوجیاں دے خلاف 79غیر قنونی بھرتیاں دی انکوائری زیر التوا سی۔ کیس دے مرکزی ملزمان وفات پا چکے نیں ایس لئی انکوائری بند کیتی جائے۔ عدالت نے دلائل مکمل ہون تے فیصلہ سناندیاں ہویاں نیب دی انکوائری بن دکرن دی عرضی منظو رکر لئی۔

اپنا تبصرہ گھلو