کورونا پاروں حکومت سندھ دا پابندیاں برقرار رکھن دا فیصلہ
کراچی( پنجابی میڈیا گروپ) وزیراعلی سندھ مراد علی شاہ دا کہنا اے کہ سندھ وچ کیس ودھ رہے نیں، صوبے وچ نرمی کرنا مشکل ہندا لگ رہیا اے۔
میڈیادے مطابق وزیراعلی سندھ مراد علی شاہ دی زیر صدات کورونا وائرس دے صوبائی ٹاسک فورس دا اجلاس ہوئیا، جس وچ صوبائی وزیراں، چیف سیکریٹری، آئی جی پولیس، ایڈیشنل چیف سیکریٹری داخلہ، کمشنر کراچی، ایڈیشنل آئی جی کراچی، کور فائیو، رینجرز تے ڈبلیو ایچ او دے نمائندیاں رلت کیتی۔
مراد علی شاہ دا کہنا سی کہ کل20421ریکارڈ کورونا ٹیسٹ کیتے گئے جس وچ9000صرف کراچی دے سن، اوہناں وچوں2ہزار76کیس مثبت آئے جیہڑے10اعشاریہ2فیصد اے،صرف کراچی وچ16اعشاریہ82فیصد کیس مثبت آئے۔
وزیراعلی سندھ نے آکھیا کہ عید الفطر13مئی نوں ہوئی اوس دن صوبے وچ1232کیس سن،عید وں بعد19مئی نوں2076کیس آئے جیہڑے10.2فیصد نیں، ایس توں ظاہر ہندا اے کہ سندھ وچ کیس ودھ رہے نیں، ساہنوں صوبے وچ نرمی کرنا مشکل ہندا ہوئیا لگ رہیا اے۔





















