حکومت تے جہانگیر ترین گروپ دے درمیان معاملات طے پاگئے
لہور/اسلام آباد( پنجابی میڈیا گروپ)حکومتی ذرائع دا کہنا اے کہ حکومت تے جہانگیر ترین گروپ دے درمیان معاملات طے پا گئے نیں۔
میڈیا دے مطابق حکومت تے تحریک انصاف ترین گروپ دے درمیان پہلا باضابطہ رابطہ ہوگیا اے، سینئر وفاقی وزیراں نے جہانگیر ترین نال رابطہ کیتا جس دے بعد حکومت تے جہانگیر ترین گروپ دے درمیان معاملات طے پاگئے نیں۔
ذرائع نے دسیا کہ جہانگیر ترین گروپ نے بجٹ اجلاس دے بائیکاٹ دا فیصلہ وی واپس لے لیا اے، تے ہن ہم خیال گروپ دے ارکان بجٹ وچ حکومت نوں ووٹ دیاں گے۔
ذرائع دے مطابق جہانگیر ترین نے پنجاب حکومت بارے تحفظات وفاقی وزیراں دے ساہمنے رکھے تے مطالبہ کیتا کہ ساڈے گروپ دے ارکاناں نوں سیاسی انتقام دا نشانہ نہ بنایا جائے۔ جس اُتے جہانگیر ترین نوں یقین دلایا گیا کہ اوہناں دے پنجاب حکومت بارے اعتراضات دور کیتے جان گے۔ ذرائع دا کہنا اے کہ حکومت تے جہانگیر ترین گروپ دے درمیان ہفتے نوں دوبارہ ملاقات ہوگی۔





















