حکومت دا استاداں نوں کورونا ویکسین لگان دا فیصلہ
اسلام آباد( پنجابی میڈیا گروپ)وفاقی حکومت نے استاداں نوں چھیتی چھیتی کورونا ویکسین لگوان دا فیصلہ کرلیا۔
میڈیا دے مطابق وفاقی حکومت نے ملک بھر میں استاداں نوں چھیتی توں چھیتی کورونا ویکسین لگوان دا فیصلہ کیتا اے، ایس حوالے نال ترجمان وزارت تعلیم ہوراں آکھیا کہ این سی او سی نوں صوبیاں دی مدد کرن دی درخواست کیتی اے، جد کہ استاداں دی ویکسی نیشن لئی صوبائی چیف سیکرٹری نوں مراسلے لکھ دتے گئے نیں۔
ترجمان دا کہنا سی کہ تعلیمی شعبے دا نقصان گھٹ کرن لئی استاداں تے امتحانی عملے دی چھیتی ویکسی نیشن کیتی جائے گی، تے فیصلہ کیتا گیا اے کہ استاداں دی ویکسی نیشن5جون تک مکمل کرلئی جائے، تے امتحان شروع ہون توں پہلاں امتحانی عملہ تے اسپورٹنگ اسٹاف نوں ویکسین لگائی جائے گی۔
Load/Hide Comments





















