30 سال توںودھ عمردے بندیاں دی اج توں ویکسی نیشن شروع: این سی او سی
اسلام آباد( پنجابی میڈیا گروپ)ملک وچ اج توں ویکسی نیشن دے نویں مرحلہ شروع ہوگیا۔ این سی او سی دے مطابق30سال توں ودھ عمر دے بندیاں دی ویکسی نیشن شروع ہوگئی،30سال توں ودھ عمردے بندے اپنے آپ نوں رجسٹر کران، اپنا شناختی کارڈ نمبر1166اُتے ایس ایم ایس کرن،
دُوجے پاسے نیشنل کمانڈ اینڈ آپریشن سینٹر دی تازہ رپورٹ دے مطابق اعدادوشمار دے مطابق کورونا وائرس توں88بندے جاں بحق ہوگئے، جس توں بعد موتاںدی تعداد20ہزار177ہوگئی۔ پاکستان وچکورونا دے تصدیق شدہ کیساں دی تعداد8لکھ97 ہزار468ہوگئی۔
پچھلے24گھنٹے دے دوران4ہزار7نویں کیس رپورٹ ہوئے، پنجاب وچ3لکھ33ہزار57،سندھ وچ3لکھ6ہزار707،خیبر پختونخوا وچ اک لکھ29ہزار13،بلوچستان وچ24ہزار413،گلگت بلتستان وچ5ہزار471،اسلام آباد وچ80ہزار156جدکہ آزاد کشمیر وچ18ہزار651کیس رپورٹ ہوئے۔
ملک وچ ہن تک اک کروڑ27لکھ17ہزار235بندیاں دے ٹیسٹ کیتے گئے،پچھلے24گھنٹے دے دوران62ہزار238نویں ٹیسٹ کیتے گئے، ہن تک8لکھ13ہزار855مریض صحتیاب ہوچکے نیں جد کہ4ہزار412مریضاں دی حالت تشویشناک اے۔
پاکستان وچ کورونا نال اک دن وچ88افراد جاں بحق ہوئے جس توں بعد وائرس نال مرن والیاں دی تعداد20ہزار177ہوگئی۔ پنجاب وچ9ہزار739،سندھ وچ4ہزار891،خیبر پختونخوا وچ3ہزار900،اسلام آباد وچ744، بلوچستان وچ270،گلگت بلتستان وچ107 تے آزاد کشمیر وچ526مریض جان توں ہتھ دھو بیٹھے۔





















