ترقی وچ رکاوٹ پان والیاں نوں ہر پاسیوں نکامی ہوئی: عثمان بزدار
لہور( پنجابی میڈیا گروپ)وزیراعلی عثمان بزدار نے آکھیا اے کہ اپوزیشن نے ڈھائی سال وچ ذاتی مفاددی خاطر قومی مفاد نوں بے پناہ زک پہنچائی، کورونا دے قومی چیلنج تے ہور اہم ایشوز اُتے اپوزیشن دا منفی کردار کدی بھی چنگے لفظاں وچ یاد نہیں رکھیا جائے گا۔
وزیراعلی عثمان بزدار نے اپنے بیان وچ آکھیا کہ حزب اختلاف دیاں جماعتاں دے کول نہ کوئی حکمت عملی اے تے نہ ہی اوہناں نے عوام لئی کجھ کیتا اے، ترقی دے سفر وچ رکاوٹ پان والیاں نوں ہر موقع اُتے نکامی ہوئی۔
عثمان بزدار ہوراں آکھیا کہ سیاست عوامی خدمت دا نام اے، ناکہ لٹ مار تے کرپشن دا، ماضی وچ سیاست نوں بینک بیلنس ودھان لئی استعمال کیتا گیا، وزیراعظم عمران خان دی قیادت وچ لٹ مار دے کلچر نوں دفن کیتا اے۔
Load/Hide Comments





















