حکومت نوجواناں نوں فیصلہ سازی وچ شامل کرنا چاہندی اے: عثمان ڈار

اسلام آباد( پنجابی میڈیا گروپ)وزیراعظم دے معاون خصوصی برائے امور نوجوانان عثمان ڈار ہوراں آکھیا کہ نوجواناں نوں فیصلہ سازی تے سیاسی اختیارات تک رسائی ہوئے گی جس نال اوہ پاکستان نوں اگے لے جا سکدے نیں، کامیاب جوان پروگرام ساڈا بنیادی مشن اے۔
پیر نوں ایئر یونیورسٹی وچ تقریب نالخطاب کردئیاں آکھیا کہ حکومت نوجواناں لئی روزگار دے بہتر موقع فراہم کرن دی کوشش کر رہی اے، پڑھے لکھے نوجواناں دی ترجیح روزگار حاصل کرنا ہندی اے، حکومت نوجواناں نوں فیصلہ سازی وچ شامل کرنا چاہندی اے، ملک دی68فیصد آبادی نوجواناں اُتے مشتمل اے جیہڑی ملک دا سب توں وڈا اثاثہ نیں تے اوہناں دی رضا کارانہ خدمات وی بڑیاں اہم نیں، تعلیم، روزگار تے کئی شعبیاں لئی اوہناںدی خدمتاں دا جائزہ لتا جا رہیا اے۔

اپنا تبصرہ گھلو