متحدہ عرب امارات دی اسرائیل فلسطین وچکارمذاکرات اُتےتعاون دی پیشکش

ابوظہبی( پنجابی میڈیا گروپ) متحدہ عرب امارات نے آکھیااے کہ اسرائیل تے فلسطین دے درمیان امن لئی کیتیاں گیاں کوششاں وچ اپنا کردار ادا کرن نوں تیار آں۔
عرب میڈیا دے مطابق ابوظہبی دے ولی عہد شہزادہ شیخ محمد بن زاید النہیان نے مصر دے صدر عبدالفتاح السیسی نالٹیلی فون اُتے رابطہ کیتا، دوناں رہنماواں نے اسرائیل تے فلسطین دے معاملے اُتے تبادلہ خیال کیتا تے خطے وچ پائیدار امن لئی تجویز اُتے گل بات وی ہوئی۔ولی عہد شہزادہ شیخ محمد بن زاید النہیان نے اسرائیل تے حماس دے وچکار جنگ بندی وچ مصر دے کردار دی تعریف کردئیاں ہوئیاں پائیدار امن لئی ہور کوششاں دی ضرورت اُتے زور دتا۔
ایس موقع اُتے ولی عہد نے اسرائیل تے فلسطین دے درمیان امن مذاکرات لئی ہر قسم دے تعاون تے سہولت فراہم کرن دی پیشکش کردئیاں ہوئیاں آکھیا کہ جنگ بندی برقرار رکھن تے امن لئی نوئیاں راہواں لبھنلئی سارے فریقاں دے نال مل کے کم کرنے نوں تیار اے۔

اپنا تبصرہ گھلو