کورونا کیس گھٹ گئے،لہورسنے ہوراںضلعیاںوچ7جون توں سکول کھولن دا فیصلہ

لہور( پنجابی میڈیا گروپ)صوبہ پنجاب وچ کورونا وائرس دے کیس گھٹن نال لہور سنے باقی ساریاں ضلعیاں وچ 7جون توں سارے سکول کھولن دا فیصلہ کر لیا گیا اے۔
ایس فیصلے دی اطلاع صوبائی وزیر تعلیم مراد راس نے سماجی رابطیاں دی ویب سائٹ ٹویٹر دے ذریعے اک بیان وچ دتی۔ اوہناں نے دسیا کہ لہور سنے باقی ماندہ ضلعیاں وچ تعلیمی ادارے کھولن دے حوالے نال نیشنل کمانڈ اینڈ آپریشن سینٹر(این سی او سی)وچ مشاورت ہوئی۔
صوبائی وزیر تعلیم نے آکھیا کہ ایس مشاورے توں بعد فیصلہ کیتا گیا اے کہ7جون توں باقی دے ضلعیاںوچ وی سارے سرکاری تے پرائیوٹ سکول کھول دتے جان گے۔ برائے مہربانی گورنمنٹ دے ایس او پیز اُتے عملدرآمد کیتا جائے۔

اپنا تبصرہ گھلو