میرے نیناں وچ بیجے ہوئے سُپنے

بھپندر پنیوالیا

میرے نیناں وِچ بیجے ہوئے سُپنے توں گِن لے
تول لے بھاویں پیار دی ڈُنگھائی نوں مِن لے
تینوں مِل جانے ہر گل دا جواب سجنا
اُنجھ پیار وِچ کدے ہوندا نہ حِساب سجنا
جِتدے نہ جودھے سارے کدے وِچ رن دے
کِکراں دے پُھل سارے تُکے نہیوں بندے
سارے پُورے نہیوں ہُندے کدے خواب سجنا
ہُندا پیار وِچ کاہدا وے حِساب سجنا
سوچیا نہ کر ایویں نتیجے توں پیار دے
کِنا کُجھ بیت چُکے وِچ سنسار دے
ہو ہو تُر گئے نے راجے اتے نواب سجنا
اُنجھ پیار وِچ کدے ہوندا نہ حِساب سجنا
یارڑے دی دید اِک ٹیچا رکھ آپنا
رکھ تلی اُتے سیس کدے پِچھے نہینؤ جھاکنا
نشہ پیار جِنا دِیندی نہ شراب سجنا
ہُندا پیار وِچ کاہدا وے حِساب سجنا
کدے پھُلاں جیہا پیار کدے خار وانگ چُبھدا
کدے تھلاں وِچ سڑے کدے ندیاں چ ڈُبدا
دِیندے عِشق دی گواہی راوی تے چناب سجنا
اُنج پیار وِچ کدے ہوندا نہ حِساب سجنا