نادرا وچ غیر ملکی تے غیر قنونی شناختی کارڈز بنائے جان دا انکشاف
لہور( پنجابی میڈیا گروپ)نادرا وچ غیر ملکی تے غیر قنونی شناختی کارڈز بنائے جان دا انکشاف ہوئیا اے، نادرا دے 25 ملازماں نوں گرفتار کر لیا گیا۔
ذرائع دے مطابق کراچی، راولپنڈی تے سرگودھا وچ4غیر ملکیاں تے ایلینز دی رجسٹریشن ساہمنے آئی سی۔ حساس اداریاں دی معلومات اُتے کرپٹ مافیا دے خلاف آپریشن شروع کیتا گیا۔ تیناں شہراں دے دھندے وچ ملوث نادرا دے25ملازماں نال پہلاں محکمہ کاروائی کرے گا جس توں بعد فوجداری مقدمے درج کردئیاں ہوئیاں اوہناں نوں گرفتار کر لیا جائے گا۔
تیناں شہراں توں بعد ہور شہراںتوں وی ایس گروہ دے ساتھیاں دی تلاش شروع کر دتی گئی۔ ابتدائی تحقیقات وچ سرگودھا، راولپنڈی، کراچی وچ ملوث بندیاں نے غیر ملکیاں دے کارڈز پراسیس کیتے، نادرا حکام دا کہنا اے کہ کارروائی نادرا وچ تطہیری عمل دا حصہ اے۔
Load/Hide Comments





















