پولیس کم کردی نہیں،ملزم چُھڈ دتاجائے تے کہندے نیںکہ عدالتاں چھڈ دیاں نیں، اسلام آباد ہائیکورٹ

اسلام آباد( پنجابی میڈیا گروپ)اسلام آباد ہائیکورٹ نے فوجداری مقدمے وچ پولیس دی ناقص تفتیش اُتے شدید غصے دا اظہار کیتااے۔
جسٹس عامرفاروق نے استفسار کیتا کہ ایس پی کیتھے نیں، کیا اوہ عدالت وچ پیش ہوئے نیں۔ ایس پی عمر خان روسٹرم اُتے آ کے کھڑے ہو گئے۔
جسٹس عامرفاروق نے آکھیا کہ تفتیشی افسر عدالت وچ پیش ہندا اے تے اوس دے حقائق دا ہی پتہ نہیں ہندا، پولیس کم نہیں کرنا چاہندی تے نوکری چھڈ دین۔ بہت لوگ نوکری لئی بیٹھے نیں، اک اک سماعت اُتے فیصلہ ہون والے کیساں تفتیشی دی نااہلی پاروںالتوا وچ پئے نیں، چھوٹیاں موٹیاں غلطیاں نہیں بلکہ بلنڈر مارے جاندے نیں جس نال سارا کیس بدل جاندا اے، ایہ ساراکجھ عوام لئی اے، عوام دا اعتماد ختم ہو جائے گا تے کجھ نہیں رہے گا، اگر نہیں کم کرنا تے آئی جی پولیس نوں بلا لیندے آں اوہی سربراہ نیں اوہناں نے ہی جواب دینا ہے۔

اپنا تبصرہ گھلو