‘مشرق وسطی وچ قیام امن ضروری، فلسطینیاں دے حق لئی مضبوط موقف اپنایا’

اسلام آباد( پنجابی میڈیا گروپ)وزیر خارجہ شاہ محمود قریشی ہوراں آکھیا کہ مشرق وسطی وچ قیام امن ضروری اے، فلسطینیاں دے حق لئی مضبوط موقف اپنایا، خطے وچ کشیدگی نوں ختم کرن لئی مذاکرات دی فضا بحال کرنا ہوئے گی۔
وزیر خارجہ شاہ محمود قریشی نے صدر یو این جنرل اسمبلی دے نال سانجھی پریس کانفرنس کردئیاں آکھیا کہ فلسطینیاں دے حق لئی مضبوط مقف اپنایا، مشرق وسطی وچ قیام امن ضروری اے، خطے وچ ریاستی تنازع دے حل لئی جنرل اسمبلی ول ویکھ رہے آں، یو این سیکرٹری جنرل تے صدر فلسطین دے معاملے اُتے کردار ادا کرن۔
شاہ محمود قریشی دا کہنا سی کہ یو این جنرل اسمبلی نے فلسطین دی صورتحال اُتے اجلاس بلایا، خطے وچ کشیدگی نوں ختم کرن لئی مذاکرات دی فضا بحال کرنی پئیگی، فلسطین وچ امن صرف مذاکرات نال ہی ممکن نیں، پاکستان نے افغانستان وچ امن نوں بحال کرن لئی مثبت کردار ادا کیتا، ایس وقت مسئلہ کشمیر تے فلسطین دی صورتحال مختلف نہیں، قومی سلامتی دے ایجنڈے اُتے کشمیر دا مسئلہ70سال توں اے۔

اپنا تبصرہ گھلو