جناں ملکاں وچ قنون دی حکمرانی نہیں ہندی اوہ تباہ ہوجاندے نیں، وزیراعظم
اسلام آباد( پنجابی میڈیا گروپ) وزیراعظم عمران خان ہوراںآکھیا اے کہ جناں ملکاں وچ قنون دی حکمرانی نہیں ہندی اوہ چھیتیتباہ ہوجاندے نیں۔
مراکش دے شہر رباط وچ عالمی سیرت کانفرنس نال ورچوئل خطاب کردئیاں ہوئیاں وزیراعظم عمران خان نے آکھیا کہ حضرت محمد ۖ نے مضبوط معاشرے دی بنیاد رکھی،12سال دے تھوڑے عرصے وچ2سپر پاورز روم تے فارس نے نوییانقلاب دے ساہمنے گھٹنے ٹیک دتے، اسلام دے بنیادی اصولاں اُتے عمل کرکے مسلمان کامیابی تے کھوئی ہوئی عظمت حاصل کرسکدے نیں جناں ملکاں نے ایہناںاصولاں اُتیعمل کیتا اوہ ترقی کرگئے۔
عمران خان ہوراں آکھیا کہ مدینہ دی ریاست2بنیادی اصولاں اُتیقائم ہوئی، اک قنون ساریاں لئی برابر ہوئے گاتے دُوجا فلاحی ریاست ہوگی، پہلیاںقوماں ایس لئی تباہ ہوئیاں کیوں کہ امیر،غریب لئی الگ الگ قنون سی، جناں ملکاں وچ قنون دی حکمرانی نہیں ہندی تے جنگل دا قنون ہندا اے کہ جس دی لاٹھی اوس دی بھینس، اوہ ملک چھیتی تباہ ہوجاندے نیں۔
وزیراعظم دا کہنا سی کہ مدینہ دی فلاحی ریاست وچ غریباں، بڈھیاں، یتیماں، عورتاں دا خیال رکھا جاندا سی، پنشن دا نظام سب توں پہلاں دُوجے خلیفہ راشد حضرت عمر دے دور وچ آیا۔
عمران خان نے چین دی تعریف کردئیاں آکھیا کہ اسیں چین دی حالیہ ترقی ویکھی جیتھے30سال وچ70کروڑ بندیاںنوں غربت توں کڈیا گیا، اوہناں نے نہ صرف معاشرے وچ غریباں دا خیال رکھیا بلکہ700وزیراںتے افسراں نوںکرپشن اُتے جیل وچ سُٹیا، طاقتور نوں قنون دے تھلے لیاندا گیا، ایہ معاشرے دی ترقی دا راز اے۔





















