گیت
بھپندرپنیوالیا
یاد تیری وِچ نِت روندے
ساڈا بِرہوں بھِجا گیت وے سجنا
پھِر آپا چیتے نہیں رہندا
جدوں آؤندے یاد اتیت وے سجنا
جد وی چیتے کردا ہاں
تیرے وعدے اتے ٰکراراں نوں
روح میری اے تُر جاندی
پھِر اُجڑے ہوئے مزاراں نوں
کناں دے وِچ رہے گونجدا
سوگی جیہا سنگیت وے سجنا
یاد تیری وِچ نِت روندے
ساڈا بِرہوں بھِجا گیت وے سجنا
اساں تیرے باجھوں کی کرنا
روح توں بِناں سریر نوں
تُپکا تُپکا ہوکے اسیں
جانے مُک اخیر نوں
ہونکے بھر بھر ساڈا ہُن
ہُندے دِن بتیت وے سجنا
یاد تیری وِچ نِت روندے
ساڈا بِرہوں بھِجا گیت وے سجنا
ہاسے بھُل گئے سانوں ہُن
بُلٍیاں ٰتے چُپ دے ڈیرے نے
ہر پل رہے اُڈیک تیری
راتاں توں بعد سویرے نے
وِچھوڑے والا وقت بُرا
شاید جاوے بیت وے سجنا
یاد تیری وِچ نِت روندے
ساڈا بِرہوں بھِجا گیت وے سجنا
وِچھڑے آپاں مُدتاں دے
دِل ہالے وی نیڑے نے
تیرے باجھوں کون ہرو
اسیں جو دُکھ سہیڑے نے
نِت بنائے نہیں جاندے
سجن مہِرم میت وے سجنا
یاد تیری وِچ نِت روندے
ساڈا بِرہوں بھِجا گیت وے سجنا
