عوام لئی چنگی خبر، بتی دی قیمت 43پیسے فی یونٹ گھٹ کرن دی منظوری
اسلام آباد(پنجابی میڈیا گروپ)نیپرا نے فیول پرائس ایڈجسٹمنٹ دی مد وچ بتی43پیسے فی یونٹ سستی کرن دی منظوری دے دتی۔ صارفین نوں4ارب40کروڑ روپے دا ریلیف ملے گا۔
سنٹرل پاور اُتیچیزنگ ایجنسی دی اپریل توں فیول پرائس ایڈجسٹمنٹ دی مد وچ بتی84پیسے فی یونٹ سستی کرن دی درخواست اُتے نیپرا وچ سماعت ہوئی۔ نیپرا نے فیول ایڈجسٹمنٹ دی مد وچ بتی43پیسے فی یونٹ سستی کرن دی منظوری دتی۔
بتی دی قیمت گھٹن دا ریلیف صارفین نوں اگلے مہینے دے بلاں وچ ملے گا۔ نیپرا ولوں بتی دیاں قیمتاں گھٹ کرن داتفصیلی فیصلہ تے نوٹیفکیشن کجھ دناں وچ جاری کیتا جائے گا۔
نیپرا حکام نے آکھیا اے کہ میرٹ آرڈر توں ہٹ کے پلانٹس چلان نال15کروڑ90لکھ روپے،ایل این جی دی قلت نال6کروڑ55لکھ دا بھار پئیا، بہتر صلاحیت والے پلانٹ گھٹ چلان نال14کروڑ93لکھ دا ودھ بھار پئیا، ایل این جی دی بہتات سی مگر ایس نوں استعمال وچ نہیں لیاندا گیا۔
