پاکستان وچ امریکا دا کوئی فوجی اڈہ یا ائیر بیس نہیں: دفترخارجہ

اسلام آباد( پنجابی میڈیا گروپ) ترجمان دفترخارجہ زاہد حفیظ دا کہنا اے کہ پاکستان وچ امریکا دا کوئی فوجی اڈہ یا ائیر بیس نہیں،تیدوناں ملکاں دے درمیان اڈیاں داکوئی معاہدہ وی نہیں ہوئیا۔
اسلام آباد وچ ہفتہ وار بریفنگ دیندیاں ترجمان دفتر خارجہ زاہد حفیظ ہوراں آکھیا کہ پاکستان وچ امریکا دا کوئی فوجی اڈہ یا ائیر بیس نہیں، تے نہ ہی پاکستان تے امریکا دے درمیان فوجی اڈیاںدے قیام دا کوئی نوا معاہدہ ہوئیا اے، دوناں ملکاں دے درمیان ماضی دے ائیر تے گرانڈ لائن آف کمیونیکیشن دے معاہدے نیں۔
ترجمان دا کہنا سی کہ امریکا نوں افغانستان لئی فوجی اڈے دین دے حوالے نال واضح بیان دے چکے نیں، امریکا دا پاکستان وچ کوئی ائربیس یا اڈہ نہیں تے نہ ہی ایس طرح دا کوئی پلان اے، امریکا دے نال2001دے تعاون تے فریم ورک دے تحت کم کر رہے نیں، اسیںچاہندے آں کہ افعانستان دے امن وچ بہتری آئے، افغانستان نال عالمی فورسز توں بعد سکیورٹی خلا پیدا نہ ہوئے، اسیںسمجھدے آں کہ افغانستان دا واحد حل سیاسی اے تے کدی وی کوئی فوجی حل نہیں سی۔

اپنا تبصرہ گھلو