پنجاب دی اتحادی حکومت تے مشاورت، پی ٹی آئی دا (ق) لیگ دی سینئر قیادت نال رابطہ

لہور: تحریک انصاف ، اتحادیاں دے معاملات حل کرن لئی متحرک ، مسلم لیگ (ق) دی سینئر قیادت نال رابطہ کیتا گیا اے جہدے وچ ایس ہفتے ای مشترکہ بیٹھک دا فیصلہ ہویا اے، مشترکہ اجلاس وچ اتحادی حکومت دے امور تے گل بات ہووے گی، (ق) لیگ دا وفد ایس ہفتے وزیراعلیٰ نال وی ملاقات کرے گا۔ تحریک انصاف دی حکومت اپنے اتحادیاں دے معاملات دے حل لئی سرگرم ، وفاق وچ جہانگیر ترین دی سربراہی وچ قائم حکومتی کمیٹی دا مسلم لیگ (ق) دی قیادت نال رابطہ، دوواں اتحادیاں وچکار ایس ہفتے وچ اعلیٰ سطح دی مشترکہ بیٹھک ہووے گی۔

اہم اجلاس وچ اتحادی حکومت دے امور زیر بحث آن گے۔ مسلم لیگ (ق) دی قیادت نے ایس ہفتے ای وزیراعلیٰ پنجاب نال وی اک ہور ملاقات دا فیصلہ کیتا اے جہدے وچ پنجاب دے امور تے مشاورت کیتی جاوے گی۔ مسلم لیگ (ق) وی اپنے مطالبات تے حکومتی عملدرآمد دی منتظر اے۔

(ق) لیگ نے وی حکومت توں اپنے حلقیاں لئی ترقیاتی پیکیج دا مطالبہ کر رکھیا اے۔ جہانگیر ترین دی سربراہی وچ حکومتی کمیٹی دے ساہمنے پچھلے اجلاس وچ (ق) لیگ نے باضابطہ سارے مطالبات رکھے جہدے تے حکومتی کمیٹی نے اگلے اجلاس وچ مثبت جواب دین دی یقین دہانی کرائی۔

50% LikesVS
50% Dislikes

اپنا تبصرہ گھلو