نیپرا نے بتی دی قیمت44پیسے یونٹ گھٹ کرن دی منظوری دیدی

اسلام آباد( پنجابی میڈیا گروپ) نیپرا نے اپریل دے مہینے فیول چارجز ایڈجسٹمنٹ دی مد وچ44پیسے فی یونٹ گھٹ کرن دی منظوری دے دتی جس دا اطلاق صرف جون دے مہینے توں بلاں وچ ہوئے گا۔
سی پی پی اے جی نے84پیسے فی یونٹ گھٹ دی درخواست کیتی سی ۔ جس اُتے نیپرا نے44پیسے فی یونٹ گھٹ دی منظوری دے دتی۔
اتھارٹی نے اگست تے اکتوبر2020دے مہینیاں دے ایف سی اے دی مد میں عارضی طور اُتے7.5ارب روپے دی کٹوتی کیتی سی، این پی سی سی ولوں جمع کروائے گئے اعدادوشمار دی بنیاد اُتے اتھارٹی نے کٹوتی کیتی گئی رقم توں4.4بلین روپے جاری کرن دا فیصلہ کیتا۔
ایس کمی دااطلاق300یونٹ تک استعمال کرن والے،لائف لائن تے زرعی صارفین دے سوا ڈسکوز دے سارے صارفین اُتے ہوئے گا۔ ایس دے علاوہ اوہ صنعتی صارفین جو انڈسٹریل سپورٹ پیکج دا فائدہ لے رہے نیں اوہناں نوںمنفی ایف سی اے دا فائدہ ودھ،گھٹ والے یونٹ اُتے نہیں ملے گا البتہ بیس ٹیرف دی حد تک منفی ایف سی اے دا فائدہ ضرور ملے گا۔ فیول پرائس ایڈجسٹمنٹ دا اطلاق کے الیکٹرک صارفین اُتے نہیں ہوئے گا۔

اپنا تبصرہ گھلو