ٹرین حادثے دے ذمہ داراں نوں معاف نہیں کیتا جائے گا: وزیر ریلوے
لہور( پنجابی میڈیا گروپ)وزیراعظم عمران خان نے وزیر ریلوے اعظم سواتی نال رابطہ کرکے گھوٹکی ٹرین حادثے بارے پُچھ گچھ کیتی جس وچ وزیر ریلوے اعظم سواتی نے وزیراعظم ہوراں نوںمعلومات دتی
وزیر اعظم دی ہدایت اُتے وزیر ریلوے ہنگامی طور اُتے بذریعہ ہیلی کاپٹر اسلام آباد توں گھوٹکی روانہ ہوئے تے جائے حادثہ اُتے امدادی کارروائیاں دا جائزہ لیا۔
ایس موقع اُتے اعظم سواتی دا کہنا سی کہ ایہ اک وڈا حادثہ اے، مسافراں دے جاں بحق تے زخمی ہون اُتے افسوس اے، ریسکیو آپریشن تے زخمیاں دے علاج دی نگرانی آپئی کراں گا۔
اوہناںآکھیا کہ ٹرین حادثے دی آپئی ہنگامی بنیاداں اُتے تحقیقات دا فیصلہ کیتا اے تے حادثے دے ذمے داراں نوں کدی معاف نہیں کیتا جائے گا۔
وزیر ریلوے نے حادثے اُتے تحقیقات دا حکم دیندیاں ہوئیاں24گھنٹے وچ ابتدائی تحقیقاتی رپورٹ منگ لئی۔
Load/Hide Comments





















