اداریاں دی مضبوطی ملکی ترقی لئی کلیدی حیثیت رکھدی اے: چودھری پرویزالٰہی
لہور (پنجابی میڈیا گروپ)سپیکر قومی اسمبلی اسد قیصر نے پنجاب اسمبلی دے نویںایوان وچ دعا کردئیاں ہوئیاں آکھیا کہ اللہ تعالیٰ ایس اسمبلی وچ بیٹھن والیاں نال اپنے دین تے اپنی مخلوق لئی اینج دے قنون بنوائے جناں عام آدمی دی زندگی وچ آسانی پیدا کیتی۔ سپیکر پنجاب اسمبلی چودھری پرویزالٰہی نے سپیکر قومی اسمبلی اسدقیصر نے اج پنجاب اسمبلی وچ ملاقات کیتی۔ ملا قات وچ قومی سیاسی صورتحال،پنجاب دے امور تے باہمی دلچسپی دے ہوراں کماں بارے تبادلہ خیال کیتاگیا۔ پنجاب اسمبلی کے نویں ایوان وچ جد سپیکر اسد قیصر نے دعا کروائی تے چودھری پرویزالٰہی نے آکھیاکہ سپیکر اسد قیصر دی دعا نال اج ایوان دا آغازہو گیا اے۔ چودھری پرویزالٰہی نے سپیکر قومی اسمبلی نوں پنجاب اسمبلی وچ ہونیوالی قنون سازی توں آگاہ کیتا۔ ایس موقع اُتے گل بات کر دئیاں چودھری پرویزالٰہی نے آکھیا کہ پارلیمانی سسٹم تے جمہوریت دے استحکام لئی اسمبلیاں دے درمیان وفود کا تبادلہ بہت ضروری اے۔





















