کورونا پاروں ہور 53 افراداللہ نوں پیارے ہو گئے
اسلام آباد( پنجابی میڈیا گروپ ) کوروناوبا دے باعث مزید 53 افراد جاں بحق ہوگئے جد کہ اک ہزار توں زائد مثبت کیسز رپورٹ ہوئے نیں۔نیشنل کمانڈ اینڈ آپریشن سینٹر ولوں جاری کردہ اعداد و شمار دے مطابق پچھلے 24 گھنٹیاں دے دوران 46 ہزار 882 کورونا ٹیسٹ کیتے گئے جہدے بعد مجموعی ٹیسٹس دی تعداد 13,619,766 ہوگئی اے۔پچھلے 24 گھنٹیاں دے دوران ملک بھر وچ مزید اک ہزار 383 مثبت کیسز رپورٹ ہوئے نیں۔ ایس طرحاں پاکستان وچ کورونا دے مصدقہ مریضاں دی تعداد 935,013 ہوگئی اے۔سرکاری اعداد و شمار دے مطابق ہن تیک سندھ وچ 3 لکھ 24 ہزار 535 ، پنجاب وچ 3 لکھ 42 ہزار 805، خیبر پختونخوا وچ اک لکھ 34 ہزار 781، اسلام آباد وچ 81 ہزار 806، بلوچستان وچ 25 ہزار 893 ، آزاد کشمیر وچ 19 ہزار 538 تے گلگت بلتستان وچ 5 ہزار 655 افراد وچ کورونا وائرس دی تشخیص ہوئی اے۔سرکاری اعداد و شمار دے مطابق ایس ویلے ملک بھر وچ کرونادے فعال مریضاں دی تعداد 46ہزار 190اے۔ جدکہ تن ہزار توں زائد مریضاںدی حالت تشویشنا ک اے۔





















