کینیڈا:قتل ہون والے پاکستانیاں دا گناہ مسلمان ہونا سی، شاہ محمود قریشی
اسلام آباد (پنجابی میڈیا گروپ) وزیرخارجہ شاہ محمود قریشی نے کینیڈا وچ قتل ہون والے 5 پاکستانیاں دی ہلاکت دی مذمت کردیاں ہویاں آکھیا اے کہ کینیڈا وچ قتل ہون والے 5 پاکستانیاں دا گناہ مسلمان ہونا سی، میرے نیڑے ایہہ ات گردی دا واقعہ اے۔ اپنے اک بیان وچ وزیرخارجہ شاہ محمود قریشی نے آکھیا پلیس دی چھان بین دے مطابق واقعہ وچ اسلاموفوبیا دا عنصرموجود اے ، میرے نیڑے ایہہ ات گردی دا واقعہ اے۔ ہنی تیک پوسٹ مارٹم رپورٹ دا انتظار ہو رہیا ے۔ ایہہ فیز یوتھراپسٹ سن پڑھے لکھے شخص سن ایہناںدا پاکستان وچ تعلق لہور توں سی۔ واقعے اتے کینیڈین د ی ہائی کمیشن نوںدفترخارجہ وچ مدعو کیتا گیا اے، کینیڈین وزیراعظم نوں آکھاں گا کہ ایہہ ایہناں دے معاشرے دامتحان اے۔ کینیڈا وچ مقیم مسلماناں دے تحفظ نوں یقینی بناٰن لئی اپنا کردار ادا کرن۔ وزیرخارجہ نے مزیدآکھیااے کہ پنج بے گناہ پاکستانی کینیڈین نوں کچل دتا گیا ۔شاہ محمود ہوراں نے آکھیا کہ پاکستان دنیابھروچ اسلاموفوبیا دے ابھردے ٹرینڈ دی نشاندہی کر رہیا اے۔





















