کینیڈا :کھلم کُھلی ات گردی اے:حافظ طاہراشرفی

اسلام آباد(پنجابی میڈیا گروپ )وزیراعظم دے نمائندہ خصوصی برائے مذہبی ہم آہنگی و مشرق وسطی حافظ طاہر محمود اشرفی دا کینیڈا وچ مسلم فیملی اتے حملے اتے آکھنا اے کہ کینیڈا واقعہ کھلی ات گردی، اسلام توں ناواقفیت دا شاخسانہ اے۔حافظ طاہر محمود اشرفی نے کینیڈا وچ مسلم فیملی اتے حملے دی شدید مذمت کردیاں ہویاں اپنے بیان وچ آکھیا اے کہ کینیڈا دی متاثرہ فیملی دے نال مکمل ہمدردی دا اظہار کرنے آں، مغرب اسلامو فوبیا دا شکار اے،جہدے پاروں انج دے واقعات رونما ہورہے نیں۔حافظ طاہر اشرفی نے آکھیا اے کہ وزیر اعظم نے ہمیشہ اسلامو فوبیا دے خاتمے دی گل کیتی اے، دنیا نوں اسلامو فوبیا دا مقابلہ کرن لئی متحد ہون دی لوڑ اے ۔

اپنا تبصرہ گھلو