اسلام آباد توں نوا سکینڈل ساہمنے آن والا اے، شاہد خاقان عباسی دا دعویٰ
اسلام آباد(پنجابی میڈیا گروپ )مسلم لیگ (ن)دے سینئر نائب صدر شاہد خاقان عباسی نے آکھیا اے کہ پاکستان دی تاریخ وچ اک تیک کوئی الیکشن شفاف نہیں ہویا۔ چیئرمین نیب عدالتاں وچ آکے ویکھن ایتھے کیہ ہو رہیااے۔ ٹرین دی پٹڑی دی مرمت دے پیسے کرپشن دی نذر ہوئے۔ ٹرین حادثے اتے سرکار نوں کوئی شرمندگی نہیں ہوئی بلکہ حادثے دی ذمہ داری پچھلی سرکار اتے پا دتی۔پچھلے وزیماعظم نے مزیدآکھیا اے کہ اسلام آباد توں نیا سکینڈل ساہمنے آن والا اے، اسلام آباد دی احتساب عدالت دے بار میڈیا دے نال گل بات کردیاں ہویاں شاہد خاقان عباسی نے آکھیا اے کہ احتساب دا عمل جہڑا جاری اے ایہدا حال سبھ ویکھ سکدے نیں۔ اسیں تے آکھدے آں کہ کیمرے لگائو تے دسو کہ کیسز وچ کیہ ہوندا رہیا اے۔ چیئرمین نیب خود سپریم کورٹ دے جج رہ چکے نیں ایہناں نوں ٰآکھناں واں کہ ایتھے آکے ویکھو کہ نیب عدالتاںوچ کیہ ہو رہیاا ے۔ شاہد خاقان عباسی نے دعوی کیتاکہ جلد اسلام آباد توں نیا سکینڈل ساہمنے آن والا اے،کہ کس طرحاں حکومتی مشینری استعمال کرکے ارباں روپے کمائے گئے۔





















