سندھی حکمراناںنے سندھی علاقیاں نوںتباہ کر دتا:فردوس عاشق اعوان
لہور(پنجابی میڈیا گروپ)فردوس عاشق اعوان نے آکھیااے کہ صوبائی خود مختاری دا راگ الاپنے والیاں نے خود مختاری دے ناں اتے لٹ مار کیتی۔سندھ اتے مسلط حکمراناں نے صوبہ ڈدے شہری و دیہی علاقیاں نوں یکساں تباہ کیتا،معاون خصوصی اطلاعات پنجاب ڈاکٹر فردوس عاشق اعوان نے سماجی رابطے دی ویب سائٹ اتے ٹوئٹ کردیاں ہویاںآکھیا اے کہ وزیراعلیٰ سندھ مراد علی شاہ کارکردگی وچ مکمل نکامی دے بعد جھوٹھ دے سہارے سیاسی منظر نامے اتے زندہ رہن دی کوشش کر رہے نیں۔ کدی سندھ سرکار ولوں پانی دے معاملے اتے جھوٹھا پروپیگنڈاہ کیتا جاندا اے تے کدی صوبائی سرکار بے بنیاد الزامات دے نال سندھ دی ترقی لئی وفاقی سرکار دے اقدامات وچ رکاوٹاں پان دی کوشش کردی اے۔فردوس عاشق اعوان ہوراں نے مزیدآکھیااے کہ وزیراعلیٰ عثمان بزدار اتے طنز کسن والے عوامی خدمت تے کارکردگی دا مقابلہ کرن ۔وزیراعظم عمران خان دی قیادت وچ جاری ترقی دا سفر اپوزیشن نوں قبول نہیں۔





















