سلیکٹڈ وزیراعظم دا بجٹ کسی قیمت قبول نہیں کراں گے، بلاول بھٹو زرداری
اسلام آباد (پنجابی میڈیا گروپ ) پاکستان پیپلز پارٹی دے چیئرمین بلاول بھٹو زرداری نے آکھیا اے کہ سلیکٹڈ وزیراعظم دا سلیکٹڈ بجٹ کسی طور قبول نہیں کراںگے، اپنے بیان وچ بلاول بھٹو زرداری نے قومی اقتصادی کونسل دے فیصلیاں اتے تحفظات دا اظہار کردیاں ہویاں آئندہ مالی سال دے بجٹ وچ صحت و تعلیم لئی مزید فنڈز مختص کرن دامطالبہ کیتا اے۔ پیپلزپارٹی دے چیئرمین داآکھنا سی کہ آئندہ بجٹ وچ شعبہ صحت لئی صرف 30 ارب روپے مختص کرنا عوام نوں کورونا وائرس دی وباء دے حوالے کردین دے مترادفاے۔ صحت لئی بجٹ وچ صرف 3.3 فیصد فنڈز مختص کرکے پی ٹی آئی سرکار نے واضح کردتا کہ لوکائی دی صحت ایہناں دی اولین ترجیح نہیں اے۔ پی ٹی آئی اراکین اسمبلی نوں خوش کرن لئی بجٹ وچ 68ارب روپے تے وباء توں بچائو لئی صرف پنج ارب روپے دے فنڈز رکھنا عوام دشمنی اے۔ بلاول بھٹو زرداری نے آکھیا کہ تعلیم لئی بجٹ وچ صرف 5.5 فیصد فنڈز مختص کرکے عمران خان نے قوم دے مستقبل دے نال اک مذاق کیتا اے ۔





















