(این ایچ اے) وچ کرپشن ودھ گئی اے: چیف جسٹس
اسلام آباد(پنجابی میڈیا گروپ )سپریم کورٹ نے این 25 ہائی وے دی خستہ حالی اتے نیشنل ہائی وے اتھارٹی (این ایچ اے)دی رپورٹ رد کردتی، این ایچ اے توں سارے شاہراہاں دی مرمت تے حادثات توں متعلق رپورٹ وی طلب کرلئی ، چیف جسٹس پاکستان نے ریمارکس دتے کہ این اے ایچ وچ کرپشن دا بازار گرم اے، این ایچ اے دی کوتاہی توں سڑکاں اتے لوکائی مر رہے نیں۔ حادثات وچ مرن والیاں دا خون این ایچ اے دے ہتھاں اتے اے۔سپریم کورٹ وچ این 25 ہائی وے دی خستہ حالی توں متعلق دی کیس دی سماعت دے دوران چیف جسٹس نے ممبر ایڈمن این ایچ اے دے نال استفسار کیتا کہ نیشنل ہائی وے اتھارٹی نوں ملن والے فنڈز کتھے جاندے نیں ؟این ایچ اے دی بنائی سڑکاں بارش دے پانی دے نال خراب ہوجاندیاں نیں ۔جسٹس مظہر عالم میاں خیل نے ریمارکس دتے کہ اج دی خبر اے کہ رواں سال 36 ہزار افراد روڈ حادثات وچ جانوں چلے گئے۔ممبر ایڈمن این ایچ اے شاہد احسان نے دسیا کہ رواں سال دے آخر میں شاہراہاں دی حالت چنگی ہو جاوے گی۔ عدالت نے کیس دی سماعت غیر معینہ مدت لئی ملتوی کر دتی۔





















