این سی اوسی ولوں پابندیاں نرم:کاروبار ہفتے وچ اک دن بند رہین گے
اسلام آباد( پنجابی میڈیا گروپ)نیشنل کمانڈ اینڈ آپریشن سینٹر(این سی او سی)نے کاروباری پابندیاں وچ نرمی کردئیاں ہوئیاں کاروبار2دن دی بجائے اک دن بند رکھن دا فیصلہ کیتا اے، لیکن دن دا فیصلہ سارے صوبائی اکائیاں خود کرنگیاں۔
ایہ فیصلہ وفاقی وزیر برائے منصوبہ بندی اسد عمر دی زیر صدارت ہون والے اجلاس وچ کیتا گیا۔ اجلاس وچ فیصلہ کیتا گیا کہ سارے سرکاری تے نجی ملازماں لئی ویکسی نیشن لازمی قرار دتی جائے گی۔ نجی شعبیاں نال منسلک ملازماں نوں30جون تک ویکسی نیشن کرانا ہوئے گی۔
این سی او سی ولوں آکھیا گیا اے کہ ویکسی نیشن کران لئی مختلف شعبیاں نوں مراعات متعارف کرائی جاون گیاں۔ دفتراں وچ 50 فیصد حاضری نوں ودھا کے واپس100فیصد کرن دا فیصلہ ویکیتا گیا اے۔
ایس دے علاوہ جم کھولن دی اجازت دین دا وی فیصلہ کیتا گیا اے لیکن جم نال سارے ممبراں لئی ویکسیشن لازمی ہوئے گی۔
کورونا ویکسی نیشن سینٹر11جون توں رات8وجیرات10وجے تک کھلے رہین گے۔ لیکن ایس توں بعد اتوار نوں بند رہین گے۔
این سی او سی دے مطابق18سال توں ودھ عمر دے افراد لئی11جون توں ویکسی ویکسی نیشن دی سہولت ہوئے گی۔ ملک بھر وچ سارے شہریاں لئی رضا کارانہ طور اُتے ویکسین مہم چلائی جائے گی۔





















