بجٹ نال سارے خوش ہوجان گے، وزیراعظم

لہور( پنجابی میڈیا گروپ)وزیراعظم عمران خان ہوراں آکھیا اے کہ بجٹ نال سارے خوش ہوجان گے۔
میڈیا دے مطابق وزیراعظم عمران خان دی زیرصدارت وفاقی کابینہ دا خصوصی اجلاس ہوئیا، وزیراعظم دی زیر صدارت کابینہ اجلاس وچ اہم حکومتی اتحادی طارق بشیر چیمہ ہوراں رلت نہ کیتی، جس اُتے وزیراعظم نے طارق بشیر چیمہ دے اجلاس وچ نہ آن دی وجہ وی پُچھی۔
اجلاس وچ وفاقی کابینہ نے سرکاری ملازماں کی تنخواہواں تے پینشن وچ10فیصد اضافے تے فنانس بل2021دی منظوری دے دتی اے، جد کہ کابینہ نے انٹرنیٹ اُتے ٹیکس دی تجویز مسترد کردتی، تے موبائل فون اُتے ٹیکس وی محدود کر دتا گیا۔
اجلاس توں بعد وزیراعظم عمران خان بجٹ اجلاس وچ رلت لئی پارلیمنٹ پہنچے تے صحافیاں نے نویں مالی سال دے بجٹ دے حوالے نال سوال شروع کردتے، جس اُتے وزیراعظم عمران خان دا کہنا سی کہ بجٹ اینج دا ہوئے گا جس نال سارے خوش ہوجان گے۔

اپنا تبصرہ گھلو