عمران خان کسی نوں این آر او نہیں دین گے:شاہ محمودقریشی
ملتان( پنجابی میڈیا گروپ)وزیر خارجہ شاہ محمود قریشی ہوراں آکھیا کہ شفاف احتساب چاہندے آں، انتقام نہیں، بلاوجہ کسی دی پگھ اُچھالن دے قائل نہیں، عمران خان کسی نوں این آر او نہیں دین گے۔
وزیر خارجہ شاہ محمود قریشی نے ملتان وچ میڈیا نال گل کر دئیاں ہوئیاں آکھیا کہ کلبھوشن دا کیس ن لیگ نے خراب کیتا، اسیں انٹرنیشنل کورٹ آف جسٹس دے حکم اُتےعمل کر رہے آں۔ ملک وچ احتساب دے عمل توں جیہڑا وی لنگ رہیا اے اوس نوں صفائی دا موقع دیاجائے گا۔ احسن اقبال بیان دین توں پہلاں بجٹ دا مطالعہ کرلین۔
اوہناں آکھیاکہ پاکستان امریکہ نوںہوائی اڈے نہیں دے رہیا تے نہ ہی کوئی اینج دا ارادہ اے۔ سعودی حکومت نے کورونا نوں ساہمنے رکھدئیاں ہوئیاں حج بارے فیصلہ کیتا، حج لئی پوری دنیا توں لوگ آندے نیں۔ کورونا دی کئی قسماںنے پوری دنیا وچ پھیلن توں بچن لئی سعودی وازرت حج نے حج محدود کرن دا فیصلہ کیتا۔





















