پونے400ارب توں ودھ ٹیکس ظلم اے: بلاول بھٹو

کراچی( پنجابی میڈیا گروپ)پیپلزپارٹی دے چیئرمین بلاول بھٹو زرداری نے بجٹ وچ عوام اُتے تقریبا پونے چار سو ارب روپے توں ودھ دے ٹیکس لگان دے عمل نوں ظلم قرار دے دتا، اوہناں دا کہنا اے کہ عمران خان دی حکومت نے عام آدمی دے استعمال دی کوئی ایسی شے نہیں چھڈی جس اُتے ٹیکس نہ لگایا ہوئے۔
بلاول بھٹو زرداری نے اپنے ردعمل وچ آکھیا کہ بجٹ وچ ہر فون کال،ایس ایم ایس تے انٹرنیٹ اُتے ٹیکس لگان توں بعد اگلے دن ایس نوںفورا واپس لینا حکومتی بوکھلاہٹ دا اک ثبوت اے، عمران خان دی حکومت بھاری ٹیکساں دے طوفان اُتے عوامی ردعمل توں ڈری ہوئی اے۔
چیئرمین بلاول بھٹو زرداری نے آکھیا کہ پی ٹی آئی بجٹ وچ ٹیکسں دے نام اُتے عوام دیاں جیباں اُتے ڈاکے نوں مسترد کردا واں، عمران خان دے عوام دشمن معاشی اقدامات نوں بے نقاب کردا رہواں گا۔

اپنا تبصرہ گھلو